مرئيات
رب صدفة خيرٌ من ألف ميعاد
الشاعر \ سعيد بن سالم بن سلومه الخاطري
كنت اظن القلب مالأشواق ميتْ
لا يحب ولا يود ولا يحاتي
لين حانت ساعة الصفر وتهيّتْ
فرصته والعمر اوقاته فواتي
سلهمت بالطرف يا محمد وبيّتْ
واروت غصونٍ فصدري ذابلاتي
إنعشت خفاق قلبي ما تريّتْ
واندفع الإحساس والتيار عاتي
اختفت عن ناظري وعني تليّتْ
كنها تنوي تزود في عناتي
من عنود الصيد لي ترعى الخبيّتْ
تاخذ اوصافه ف قدٍ والتفاتي
ريحتني فالبدايه وثم كيّتْ
مهجتي والروح منها في شقاتي
اشهد اني صرت ماللقيا بخيّتْ
ويوم لقياها أعده من حياتي
غير دنيانا على العشاق عيّتْ
فرقتهم واصبحوا شت وشتاتي
