المشاعر والأحساس
الشاعر/ مبارك سالم الكعبي
لي مايبادلك المشاعر والأحساس
لاتحسبه فكل شيء بيكون لك عون
صدق فبعض الشيء وله كون لاباس
واحذر تجد الظن ويكون مضمون
قصده فتحقيق المصالح من الناس
هذا على درب الخيانه تراه بيخون
ياما حسنا الظن في بعض مالناس
لكن خساره حالبه الوقت في سون
تابع عيوب الوقت وبالزيف ثم داس
وطاوع حسود الدار فالبغض والهون
وضعه شرات اللال فالبيد ينداس
وإذا حلف في رأي فالحق مايصون
لاتعتمد عشيء ماكان له ساس
تبعه شقا وموالفه هم وحزون
وألي شرى هذا فجوفاه نوماس
شركا إذا له اوفيت في كل مايكون
ولاينوثق في متبع دروب الاخساس
وجنب عن إلي دوم فالحق ملعون
جهدك يضيع ولو نوضع تاج عالراس
ولو بتغاضا لازم تصير من دون
وشيء بلاتحديد مالصعب ينقاس
ولاينشرى شيء بعد غير مضمون
وشيء مالشجر يذبل من اسباب الأغراس
ماتقدر توكبه عن الميل بركون
عنه عليت الدرب من فوق الاشماس
وأصبح فلاله قدر عندي ولاعون
