مرئيات
على كيفك
الشاعر/ مبارك سالم الكعبي
على كيفك على كيفك على كيفك
مثل ماتريد وأنا لك عكيفك
واكدلك على كل الصراحه
صراحة حق خذها من حليفك
تفضل شوف واعرف عن مكانك
فقلبي باسطا والروح ريفك
وتاجا لك مكانه فوق راسي
وعيني منزلة أحلام طيفك
كشفت الأمر لجل إنك تأكد
وهذا إلا قليل فربع شيفك
فأيدك كالعصا إلي مابتعصا
وبارزبي وأنا فالحرب سيفك
قراري والعواطف وضحتبه
على صرح المحبه من وليفك
نهجت الود فيه بالرحابه
ولكن ماقدرت اوصل لسيفك
سلام الله على حسن المزايا
ياعود الموز مارينا وصيفك
وآخر لي اقوله ولك وأكد
خذ التوكيل مختوم وعكيفك
