خل ليلك ياقمر يحلى معاي

الشاعر / أنور بن حمدان الزعابي

خل ليلك ياقمر يحلى معاي
وخل حلم الليل طيفك يتبعه
وخلني القى خياللك يامناي
واحتضن طيفك بعيني واجمعه
نور عيني ياهناء روحي وهناي
ليت بس الوقت يوقف وارجعه
كان برجع وقتك الماضي معاي
يوم حبك في فؤادي مرتعه
من زمان الصغر اثبتلك وفاي
ثابتن عالحب لامابنزعه
انت لي نورن تغلغل في سماي
يسفر الابعاد نورك واتبعه
انت لي شمس ولي ظل وماي
انت لي نور الجهات الاربعه
ياحبيب الروح يابهجة هواي
انت جرح القلب وانته مرجعه
نار وجدي في ضميري وفي حشاي
شاعله بالشوق منك مولعه
طيفك اللي مر يغشيلي سناي
طيفك الوردي يجيني واسمعه
خلك بقربي ولاتبعد رجاي
شوف حبك وين جاري منبعه
من فؤادي جارين منبع عناي
من فؤادي مول مقدر ارفعه