أبيات شعر عن القهوة
إعداد/الشاعر والكاتب أنور بن حمدان الزعابي
يقول الأمير راكان بن فلاح الحثلين
يامحلا الفنجال مع سيحة البال
في مجلساً مافيه نفساً ثقيلـه
هذا ولدعمً وهذا ولـد خـال
وهذا رفيقـاً مالقينـا مثيلـه
ويقول الشاعر محمد بن عبدالعزيز القحطاني وهو يوصي ابنه
يابو محمد شب واقضب مكاني
في غيبتي قهو الرجال المشاكي
وفل الحجاج لكل من جاك عاني
وابدأ التحية قبل سوق الفناجيل
ويقول شاعر من قبيلة مطير واسمه شليويح وهو يوصي ابنه نمر
أمل الوجار وخلو الباب مفتوح
خوف المسير يستحي ما ينادي
يا نمر ما في صكة الباب مصلوح
ولاهي لهلكم يا مظنـة فـؤادي
ويقول خلف بن هذال شاعر عتيبه
سوولي الكيف وارهو لي من الدله
البن الأشقر يداوي الراس فنجالـه
كيف لنا نحرقـه بالنـار وانزلـه
واليا انقطع لو ورى صنعاء عنيناله
ويقول الشاعر ابن خشم الذيب العجمي
اشرب الفنجال واكب البيالـه
طيباً واحـب سلـم الطيبينـي
الولد ان طاب طيبه من خواله
وان تردا فاعرف انهم خايبيني
ويقول الشاعر دغيم الظلماوي من قبيلة شمر
ياكليب شب النار ياكليب شبه
عليك شبه والحطب لك ايجابي
وعلي انا ياكليب هيله وحبـه
وعليك تقليط الدلال النجابـي
