مرئيات
الشعور
فاتن البريدي.. الاردن
لك الله يالشعور اللي يتمتم في صدر موجوع
يحاول يجبر الخاطر على نبرة سواليفه
غريب بموطن احساسه وعاش المغرم المخدوع
صبر رغم الظروف اللي تحطم في مجاديفه
يحس ان الامل ملجاأََماني والدروب شموع
ستر حزنه بثوب الصبر لين اخفى تواصيفه
تلوع سره الصامت وخاف ان الوجع مسموع
يراوغ وقته القاسي رغم سطوة صواديفه
تعب فيه السؤال اللي. يحير باله من اسبوع
انا لي ذنب بغياب المسافر أو جفا طيفه
انا كنت ارحم شعور ومسحت من العيون دموع
اصد الريح عن وجهه واخليه بمشاريفه
كثر ما كنت في عمره امان وانتخي له طوع
كثر ما صار في عمري جروح ودمعه امخيفه
خذا مني حياه اطهر من الغيم وخذيت جموع
من الصدمات واكذوبة وعود تمادت بزيفه
هناك بجملة اشعاره يسوي لوعتي موضوع
يصور للبشر فكره يساندها بتأليفه
لك الله يا الشعور اللي خذاه وصار له مشروع
كتم صوت الوجع فيه وكتبه ابيات من كيفه
