ندمح خطا الغالين بالعسر واللين
ونطوّف الزلات ود وحشيمه
محنا من اللي يكثر اللوم ويشين
ويعطي حجم للي يبث النميمه
دروس الليالي علمتنا من سنين
ولنا على العسرات صبر وعزيمه
ما ننخدع باللي يغش الموازين
نياتنا من فضل ربي سليمه
حنا خلقنا نجازي الزين بالزين
حتى ولو شفنا العنا والهضيمة
يكشف لنا المولى فساد الخبيثين
ونلقى العوض بأهل النفوس الكريمه
يالله لطفك كاننا اليوم مخطين
وارزقنا خيرٍ نكتفي من نعيمه
